urduexpresspk

آج کل سوشل میڈیا پر ہرطرف اسلام آباد کے چائےفروش ارشد خان کے چرچے ہیں۔ارشد خان کو سب سے زیادہ شہرت اس وقت ملی جب ان تصویر جس میں وہ چائے بناتے ہوئے نظر آتے ہیں،نے سوشل میڈیا پر پوسٹ ہوتے ہی دھوم مچا دی،ارشد خان جن کی خوبصورت گہری آنکھیں،گورارنگ گلابی ہونٹ جس نے بھی دیکھا وہ خان کا دیوانہ ہو گیا،ارشد خان کی تصاویر کو دو دن میں بیس لاکھ سے زائد افراد دیکھ چکے ہیں،اور یہ تعداد مسلسل بڑھ رہی ہے،چائے فروش ارشد خان کی یہ تصاویر نہ صرف پاکستان بلکہ ہمسائے ملک ہندوستان میں بھی کافی شہرت حاصل کر چکی ہیں،بلکہ اب تو ارشد خان کے چاہنے والے پوری دنیا سے سامنے آرہے ہیں،ارشد خان کی شہرت کا سفر یہیں پر ختم نہیں ہوا ،اسلام آباد میں خان کے ساتھ تصاویر بنوانے کیلیے لڑکیاں کثیر تعداد میں چائے کے ڈھابے پر جہاں وہ کام کرتا ہے پہنچ رہی ہیں،جبکہ خان صاحب اپنے ڈھابے سے غائب نظر آتا ہے،  ارشد خان کو اپنی شہرت کا اس وقت پتہ چلا جب اس دوستوں نے بتایا کہ وہ سوشل میڈیا سٹار بن چکا ہے،لالا کی خوبصورتی اور شہرت کو دیکھتے ہوئے بہت سی کمپنیاں  اپنے اشتہار میں کاسٹ کرنے کیلیے رابطے میں ہیں ،جبکہ ارشدخان کو مختلف ٹی وی شوزمیں انٹرویو کےلیے بھی مدعو کیا گیا ہے،آج صبح ۹۲ نیوز چینل پر انٹرویوکےلئےبلائے گئے ارشدخان میک اپ اور تھری پیس سوٹ میں ملبوس پہلی بارٹی وی شو میں نظر آئے،جس  میں اس کا نیا انداز دیکھنے لائق تھا،شو کے میزبان کے سوالوں کا جواب دیتے ہوئے ارشد خان کا کہناتھا کہ وہ اپنی شہرت پر بہت زیادہ خوش ہے ،اور اسے فلموں اور ڈراموں وغیرہ میں کام کرنے کی آفر ہوئی تو ضرورکرے گا،
 

دروازہ جہنم ترکمانستان کے صوبہ آخال کے گاؤں دروازہ میں قدرتی گیس کا ایک میدان ہے جو کہ 1971 میں ٹوٹ کر ایک بڑے گڑھے میں تبدیل ہو گیا بعد میں ماہرین ارضیات نے اس جگہ کو آگ کے حوالے کر دیا تاکہ اس سے نکلنے والی زہریلی گیسوں کے اثر سے بچا جاسکے اس گڑھے کا قطر 69 میٹر اور گہرائی تیس میٹر کے لگ بھگ ہے۔ یہ علاقہ ایک سیاحتی مقام میں تبدیل ہوچکا ہے اور پچھلے پانچ سالوں میں پچاس ہزار کے قریب سیاح یہاں کا دورہ کر چکے ہیں نیز وہ آس پاس کے ویران صحراء میں کیمپنگ بھی کر تے ہیں۔

ترکمانستان کے ”کاراکم“ صحرا میں آتش فشاں کا دہانہ ہے ۔ یہ جگہ دارالحکومت سے تقریباً 270 کلومیٹر دور ہے۔ جس میں گزشتہ 40 سال سے مسلسل آگ جل رہی ہے۔ اس آگ کے باعث یہ جگہ نہایت خوفناک لیکن دلچسپ منظر پیش کرتی ہے۔ مقامی افراد اسے ”جہنم کا دروازہ“ کہہ کر مخاطب کرتے ہیں۔ اچھی بات یہ ہے کہ ترکمانستان کی حکومت نے اب اس جگہ کو سیاحوں کے لئے کھول دیا ہے۔ ترکمانستان میں سالانہ صرف 10,000 سیاح آتے ہیں اور توقع کی جارہی ہے کہ اس دلکش جگہ کو دیکھنے کے لئے خاصی بڑی تعداد میں لوگ مختلف ممالک سے آئیں گے۔

یہ آگ دراصل زیر زمین سے نکلنے والی گیس کے باعث لگی ہوئی ہے۔ 1971ءمیں گیس کے اس کنوئیں میں ”ڈرلنگ“ کے دوران ایک حادثہ ہوگیا تھا، اس وقت ترکمانستان سویت یونین کا حصہ ہوا کرتا تھا۔ حادثے کے بعد ماہرین نے اس جگہ آگ لگادی کہ زہریلی گیس سے نزدیکی آبادی کے متاثر ہونے کا خدشہ تھا۔ خیال یہ تھا کہ آگ جلد ہی بجھ جائے گی لیکن قدرت کا کرنا یہ ہواکہ آگ اب تک لگی ہوئی ہے۔ 4 سال قبل حکومت نے اس 20 میٹر گہرے اور 60 میٹر چوڑے گڑھے کو مٹی سے بند کرنے کا فیصلہ کیا تھا لیکن اس پر عمل نہ ہوسکا لہٰذا اب اسے سیاحوں کے لئے کھول دیا گیا ہے۔

یک طوطا اور مینا کا گزر ایک ویرانے سے ہوا، وہ دم لینے کے لئے ایک ٹنڈ منڈ درخت پر بیٹھ گئے- طوطے نے مینا سے کہا “اس علاقے کی ویرانی دیکھ کر لگتا ہے کہ الوؤں نے یہاں بسیرا کیا ہو گا” ساتھ والی شاخ پر ایک الو بیٹھا تھا اس نے یہ سن کر اڈاری ماری اور ان کے برابر میں آ کر بیٹھ گیا- علیک سلیک کے بعد الو نے طوطا اور مینا کو مخاطب کیا اور کہا “آپ میرے علاقے میں آئے ہیں، میں ممنون ہوں گا اگر آپ آج رات کا کھانا میرے غریب کھانے پر تناول فرمائیں”- اس جوڑے نے الو کی دعوت قبول کر لی- رات کا کھانا کھانے اور پھر آرام کرنے کے بعد جب وہ صبح واپس نکلنے لگے تو الو نے مینا کا ہاتھ پکڑ لیا اور طوطے کو مخاطب کر کے کہا ” اسے کہاں لے کر جا رہے ہو، یہ میری بیوی ہے” یہ سن کر طوطا پریشان ہو گیا اور بولا ” یہ تمہاری بیوی کیسے ہو سکتی ہے، یہ مینا ہے اور تم الو ہو، تم زیادتی کر رہے ہو” اس پر الو اپنے ایک وزیر با تدبیر کی طرح ٹھنڈے لہجے میں بولا “ہمیں جھگڑنے کی ضرورت نہیں، عدالتیں کھل گئی ہوں گی- ہم وہاں چلتے ہیں، وہ جو فیصلہ کریں گی، ہمیں منظور ہوگا” طوطے کو مجبوراً اس کے ساتھ جانا پڑا- جج نے دونوں طرف کے دلائل بہت تفصیل سے سنے اور آخر میں فیصلہ دیا کہ مینا طوطے کی نہیں الو کی بیوی ہے- یہ سن کر طوطا روتا ہوا ایک طرف کو چل دیا- ابھی وہ تھوڑی ہی دور گیا تھا کہ الو نے اسے آواز دی “تنہا کہاں جا رہے ہو، اپنی بیوی تو لیتے جاؤ”- طوطے نے روتے ہوئے کہا “یہ میری بیوی کہاں ہے، عدالت کے فیصلے کے مطابق اب یہ تمہاری بیوی ہے” اس پر الو نے شفقت سے طوطے کے کاندھے پر ہاتھ رکھا اور کہا “یہ میری نہیں، تمہاری ہی بیوی ہے، میں تو صرف یہ بتانا چاہتا تھا کہ بستیاں الوؤں کی وجہ سے ویران نہیں ہوتیں بلکہ اس وقت ویران ہوتی ہیں جب وہاں سے انصاف اٹھ جاتا ہے”